العودة المظفرة استشعارا منه بعظم المسؤولية وتقديرا للظرف الذي يمر به هلال السودان واستجابة للنداءات والرجاءات المتكررة, سحب الارباب صلاح ادريس استقالته واعلن عودته لممارسة مهامه كرئيس للنادي عبر الاذاعة الرياضية امس. وقد اسعد هذا القرار الغالبية العظمى من جماهير الهلال التي كانت تنتظر هذه اللحظات بفارق الصبر, بعد ان وقفت بنفسها على الفارق بينه والبقية خلال الفترة القصيرة التي ابتعد فيها عن العمل. دخل الارباب التوقيف لاكثر من مرة خلال الاسبوعين الماضيين بسبب ديون تخص الهلال, وهو ما دفعه الى تقديم الاستقالة رغم انه كان بمقدوره ان يتحاشى عملية التوقيف بدفع تلك المبالغ فورا ومن حسابه, لكنه فضل تسجيل موقف. لفت الارباب بموقفه هذا الانظار, وحرك الساحة واستنطق الصامتين الذين ادانوا عملية الاعتقال وشجبوا الطريقة التي تم بها ايقافه وقالوا رائهم الواضح والصريح في الطريقة التي يتم بها اعتقال وتوقيف المتطوعين في الاندية الرياضية دون النظر لتضحياتهم وما يقدمونه لتلك الاندية من بذل وجهد واموال. لم يطلب الارباب المستحيل عندما اشترط عودته لرئاسة الهلال بمعاملة المتطوعين في الاندية معاملة الموظف العام, لكنه طالب بحق يفترض ان يكون اصيلا لمن يشقى ويتعب ويدفع من جيبه الخاص لاسعاد الآخرين. صحيح ان شرط الارباب, لم يتم تنفيذه , لكننا نعتقد ان الوزارة الولائية والحكومة وكل الناس تفهموا رسالة الارباب ويكفي ان الوزير المحترم هاشم هارون اكد بانه تحدث مع وزير العدل في هذا الامر وقال انه وعده بالحل, وكانت هذه الاشارة كافية لكي يعود الارباب. وبعيدا عن تداعيات الازمة , فقد كان المنطق يفرض على الارباب العودة لناديه حتى ولو لم يشعر ان المسؤولين لم يتفاعلوا مع قضيته التي ادخلته السجن وابعدته عن معشوقه , لان وجوده على رئاسة النادي كان ضروريا ليواصل مسيرة العطاء الناجحة التي بدأها منذ حوالي الخمسة اعوام. ابتعاد الارباب عن النادي خلال الاسبوعين الماضيين كشف عن ضعف القدرات الادارية للذين يعملون معه بمجلس الادارة , وبخاصة مساعده سعد العمدة الذي تولى الرئاسة في تلك الفترة. تفرغ العمدة في تلك الفترة للتصريحات عبر الفضائيات والاجهزة الاعلامية المختلفة ,وحاول تجميل صورته,واثبات انه يمكن ان يكون بديلا ناجحا للارباب, لكنه فشل, لان فاقد الشيء لا يعطيه. نتوقع ان يعود الاستقرار للهلال بعد عودة الارباب, و ترتفع معنويات اللاعبين وتسدد الديون , وتحل جميع المشاكل العالقة , لان امكانات الارباب المالية التي نعرفها, قادرة على حل مشاكل دولة وليس ناد رياضي. آخر الكلام كان اتحاد اكرة على حق وهو يصف في بيانه الذين صاغوا بيان المريخ الذي صدر عقب مصرع اللاعب ايداهور بانهم يفتقدون للحكمة والحنكة في مثل هذه الظروف. بيان المريخ اتهم لاعبي الامل بالتسبب في مصرع ايداهور قبل ان يتاكد من اسباب الوفاة, ولولا الجهد الكبير الذي بذله رجال الامن في تلك الليلة لحدثت كارثة. بيان المريخ اكد ان النادي الكبير يدار بطريقة بدائية, ويفتقد للاداري المسؤول , ولولا الاشراقات التي ظل يقدمها جمال الوالي بين الحين والآخر فضلا عن مواقف نائب السكرتير متوكل محمد عثمان الايجابية في بعض القضايا لقلنا انه يسير بلا ادارة. قدم رئيس الهلال الارباب صلاح ادريس للهلال ما لم يقدمه أي رئيس من قبل, حيث ظل الرجل يدفع ويدفع الى ان زادت ديونه عن العشرين مليار جنيه بالقديم. وعندما يشير الارباب الى انه لن يتنازل عن ديونه على الهلال فانه يعلم تمام العلم انه لا يمكن ان يسترد هذه الاموال لان الهلال ليست به مصادر تعيد له امواله. والهلال الذي فشل في عهد الارباب من تسديد اقل من مليار جنيه , كيف يمكن ان يقوم بتسديد ديون تفوق قيمتها العشرين مليار جنيه بعد ان يذهب الارباب؟ غدا باذن الله نعلق على حديث الكاردينال الاذاعي . Ibrahawad960@hotmail.com

• أدوات :
• [أضف تعليق]
• [إرسال لصديق]
• [طباعة]
• [حفظ بإسم]
• [حفظ PDF]

اولا يجب ان تعرف انو انتي وامثالك ما افهم من اداري المريخ واحب ابارك ليك المسرحيه السخيفه للسيد صلاح ادريس باستقالته المتكرره من الهلال كانو الهلال لايوجد هنالك رجال لاداره النادي واصبحت مثل لعبه الاطفال صلاح استقال صلاح رجع المهم نبارك ليك الرجوع لانو انتي ماعندك ماده تكتب فيه غير صلاح ادريس في عامودك اليومي وربنا يشفيك انت وامثالك من هذا المرض

اخونا براهيم
لك الود
والله دوما تصيبنا كتاباتك بالاحساس بالتطبيل والرئاء الواضح وعلي الرغم من أنه لا يختلف اثنان حول صلاح ادريس واهميته في خارطة الرياضة السودانية لكن انت كاتب جيد يجب ان لا تخوض في معترك التطبيل وتكسير التلج وعليك ان تدع الكتابة بعقلية المشجع بل المشجع المتعصب والله انا صرت اتابع عمودك ليست حبا في كتاباتك بل حتي اجد يوما ان صلاح غير موجود ولكن للاسف
ولك العتبي

انت يا ابراهيم كل فتنه وبتاع الارباب طبعا فرحان عشان الارباب رجع ( الفلوس) البيان كان فى لحظة غضب موقف صعب ولا تشعل الفتنه

مبروك ياطبال عودة الارباب طبل يامطبل حتي يستمر دخلك

انت مين ياحاقد البتتكلم عن مجلس ادارة المريخ

الارباب كيف ماطلب الارباب طلب تعديل قانون دولة

ياطبال قلت ارد عليك لم اجد تعليق

يومين ولم يخرج علينا عامودك وعندما خرج لم تعزى الاسرة المريخيه وكل الذى قدرت عليه علقت على بيان الاتحاد ووصفته بانه على حق ياخى والله العظيم كنت بحترمك لاكنك بعد اليوم لا تستحق الاحترام قلبك ملى بالحقد على المريخ لا ادرى لماذا اكثر المتعصبين بالهلالقدمو العزاء

وشك نور فى الصحيفة بعودة الارباب مبروك ....
وهل فى رايك ان بيان الاتحاد العام كان موفقاً هداك الله.

نفسي أعرف صلاح ادريس ده إنت بتكسر ليه تلج في شنو ؟؟؟ يا راجل اختشي حرام عليك أرحمنا وارحم نفسك دي واحدة
أبعد عن الفتنه مالك ومال أهل المريخ فهم أدري بشؤونهم (مع العلم أنني هلالابي مووووووووووووت ،،، أنت من أسباب الكراهية نسأل الله أن يتوب عليك مما انت فيه (فخرالدين أحمد النور - الخرطوم - العمارات)

لماذا لم تعلق على عدم تعزية الاتحاد في ايداهور وعدم حضورهم لمواساة الجماهير في الفقد ولم الاستعجال في الرد على فريق مكلوم

مبروك عليك عودة الارباب

الواد ابراهيم بتاع الارباب على وزن فيلمعادل امام( الواد محروس بتاع الوزير )
الارباب الارباب لم تكتب يوما في عمودكم موضوعا الا فيه تمجيد لصلاح ادريس مشى وجاء وعمل وسوى وركب ونزل وهكذا .طيب بدل مايكون عنوان عمودك عنوان رياضي سميهو صلاح ادريس او الارباب او مرجان احمد مرجان اوتهديد بالاستقالة لان الارباب استقال اكثر مما عمل بالهلال ...

اولا انت لو كنت سودانى وانا اشك فى كدا طبعا
كنت قدمت العزاء وكنت ظهرت زى الرجال وكتبتا عن فقيد المريخ
يومين مختفى لانك كزاب وما بتعرف تقول الحقيقة
ولمن جيت اليوم ولا كلفتا نفسك ان تكتب ولا كلمة عن الفقيد اديهو
على العموم نحن اصلا ما نبقى منك ان تكتب عن المريخ شى
وبعدين بكل وقاحة وقلة ادب تجى تقول بيان الاتحاد
اين هو الاتحاد ؟؟؟؟؟
وبعدين انت ليه ما اتكلمتا عن مبارة الهلال مع الاهلى
روح شوف حال فريقك المهزوز فى المعلب بدل تتكلم عن المريخ

يا يوم عشرين ماتسرع تخلينا نشمت في الهلال انا مستني اليوم ده اكتر من الهلالاب طبعن الهلالاب خايفين ونحن بنفرح في الهزيمة اكثر من فوز المريخ حتي ولو بالكأس

ياخي انت صحفي رياضي عزي اهل المريخ اولا ثم عد الى التطبيل مبروك عليك الارباب رجع

خلي عندك انسانيه شويه ياخي

والله يا ابراهيم انت ما عندك حاجة سوي التطبيل لصلاح ادريس .
انت في شنو والناس في شنو

انا قريت التعليقات كلها ما لقيت تعليق واحد كويس سواء من الهلالاب او المريخاب والله يا ابراهيم عوض حقو تراجع نفسك لانو باقي الكتاب بنلقي في ناس بتعلق كويس وفي ناس بتعلق ليهم كعب.

ما تستعجلوا الراجل قدم العزاء لأسرة المريخ عن طريق الاتصالات الهاتفية المتعددة التي اجراها، يعني لازم يكتب الكلام ده في عموده ويدق عليه نقارة حتى تعرفوا أنه قدم الواجب لفلان وعلان، أتمنى من الأخوة الكرام عدم شخصنة المواضيع والبعد قدر الإمكان عن الكتابة عن حقد صاحب عمود الرأي والتطبيل لرئيسه وخلافه من الكلام الفطير.
أما الحديث عن عودة الأرباب فاعتقد أن ذلك يفرضه الواقع، أليس هو حدثا جدير بالتعليق، وهل سعادة الكاتب بعودة الأرباب لتحمل مسؤوليات الرئاسة يعتبر نفاقا وتزلفا له؟!!

مقالك هذا يفتقد تماماً للحس الرياضي والإنساني ... كل الصحفيون ..هلالاب ومريخاب والذين قرأت لهم خلال أمس واليوم بدأوا بتقديم التعزية في اللاعب أيداهور .إلا أنت يا عوض .... وبعد هذا وبكل بجاحة وصفاقة تتحدث عن بيان المريخ .. نعم أنا هلالابي ولكن مثلك لا يشرفني أطلاقاً ... وفي الختام ...لا سلام

ياجماعه المطبلاتي ده والحقيقه تقال قدم واجبه تجاه الفقيد ايدو وكان مقال ما بطال....تحروا ذلك اخوتي.

لكن شايف شفايفه مرطبه شويه الليله عشان صاحب القنذب رجع ...واااااا وجع راسنا تاني....... الحكامه ما عارفها كان بتاكل من وين اليومين الفاتو.. ولا كان مدكن حاجه من باقي الشيكات ولا يكون فتح بيت بكاء والجماعه عملوا ليه كشف لما ربروبته استقالت........

هاك الطبلة دي

تم حذف التعليق لمخالفته لوائح النشر

مبروك عليك عودة اربابك والتى تعنى استمرار دخلك وكان الله فى عون شعب الهلال بعد استبشر خيرا بذهاب الرجل الذى ادخل الهلال الحبس وماذا عن الديون و حقوق اللعيبة و المدرب و ضمان الوالى لفندق الفردوس ام تهمك مصلحتك فقط كما نعرف
ملحوظة
ارجو ان لا اكون مخالفا لقواعد النشر ضد الارباب وابراهيم بن طبال بن ادريس الاربابى

والله حقو نجيب ليك طبله ونربط نصك ونرقصك عشره بلدي ونجيب الأرباب يبشر ليك وينقطك بي دولارات عشان كسير التلج بتاعك ده

رجعت لضلالك القديم

العودة المظفرة لك .. و للأرباب .. و للهلال و لكل الهلالاب الحقيقيين .. ما مدعي الانتساب الحاقدين ! .. معظم المعلقين السابقين مريخاب فارغين و بالأخص ( فخر الدين , أبو قصي و ود البورت مسيء نفسه ) .. و يكفيك فخرا يا هيما الكل يقرأ لك .

والله حرام عليك انتا ماسودانى ولا بتشبه السودانين
ياخى اكتب عن الراحل ولو كلمه
بلاى انت صحفى
خلاص بعد مارجع ريسك بعد داك رجعت تكتب والله حرااااااااااام

حتى في وجود المصائب تصطاد في الماء العكر ؟؟؟
انت عامل زي الشخص اللي بيضخك في بيت البكاء !!!
يا اخي اختشي على دمك !!!
الناس في شنو انت في شنو ؟؟؟
انت جاي تذم المريخ عشان بيان ؟؟؟ بدل ما تقدم واجب العزاء ؟؟؟
دي اخلاق السودانيين ؟؟ ولا شماتة ؟؟؟
لا حول ولا قوة الا بالله

اخونا عوض لك التحية
لاننكر نحنا كهلالاب الدور الذي قدمه الارباب لهلاله
لكننا في نفس الوقت نعتبر كل من يتقدم الصفوف
لخدمة الهلال وفي اي موقع فهو اهل لذلك وهو
يعتبر من المقدرة علي ادارة الهلال ولن نقلل من
مكانته ويعتبر تاج علي راسنا

ابراهيم عوض الزول الكان في اروبا وبكتب ليك العمودا وين والله كتاب خلاص

السلام عليكم

لن اعلق على حديثك عن مجلس المريخ لأنك اقل قامة من ان تتحدث عن هرم سامق مثل المريخ .

عزيزي ابراهيم :

ماذا كان يعتقد صلاح ادريس حينما تقدم لرئاسة نادي الهلال هلي يعتقد انه كان اعلم الناس بالاداره ؟؟؟؟
لا بالتاكيد انما اتى لرئاسة الهلال لكي يدفع النقود فقط فقط فقط لاغير فكيف يسجلها ديون على النادي ؟؟؟؟؟

هذه لعبه مكشوفه !!!! للاسف هو يوجه رساله عبرك انت وامثالك بان من سيتقدم لرئاسة النادي الكبير سيكون مطالباً بسداد هذه الديون !!!!!!! وهذا يكفي - في اعتقاده - لابتعاد اي انسان عن منافسته على الرئاسه .

لكن اقولها لك حواء الهلال ولود وهنالك العشرات الذين يفوقون الارباب عشقاً ومالاً للهلال

السلام عليكم ::::::::::::
اولا اقول لكل المريخاب الكاتبين هنا ديل انتو ما بتقرو جرايد وابراهيم دة كتب عن ايداهور وقدم العزاء للشعب المريخى كلو ولا انتو بس بتشوفو وبتقرو زى ما دايرين . بطلو حقد على ابراهيم دة وارجعو بلعقل والمنطق للبيان المريخى الاول وتعالو اتناقشو تانى .
ثانيا لو ما رجع الارباب دة كان الهلال تعب شديد ودى حقيقة انتو عارفنها قبلنا وكنتو فرحانين للاستقالة ودة معروف فيكم اهل شماتة جد زى ما كاتب السيد ابو قصى وفعلا طلع الكلام الانتو ماقادلاين تقولوهو . خليكم شجعان زيو فى تعبيركم وسيبونا من الكلمات المفخخة بتاعتكم دى . وابقو واضحين . ولا رجوع الارباب دة جابلكم نكسة تانى بعد حقت المرحوم . ولا دايرين الاتحاد يقول سنسمح لنادى المريخ باستجلاب محترف بدل فاقد (لايدو) عشان تكونو مبسوطين منو . ابقو ناس عاقلين وسيبو حركات الاطفال دى وابقو زى ما بتقولو على نفسكم الصفوة القلة .
بعدين الكلام القالو عن صلاح ادريس دة كلو حقيقة وحاصل اظنو قال 1% بس عن الارباب .
ملحوظة ::::::::::
اول ناس قدمو العزاء فى الاعب ايداهور هم الهلالاب وممكن تراجعو ارشيف كفر ووتر.

ابوعوض قبل صلاح ادريس ما كان في هلال لا لا . الكيان لايتوقف على شخص واحد مسيرة الهلال طويله ونادي عريق له جمهور كبير قادر يعمل المستحيل من اجل المحافظه عليه , ارجوان تبعد عن المريخ وخليك في الاستغاله والرجوع مرة اخرى.

يا ابو عوض الله يعطيك العافية الكلاب تنبح والجمال ماشية عاد رئيس جمهورية الهلال إلى موقعه الرسمى ليواصل المسيرة التى لن تتوقف بإذن الله. عاد الأرباب ولم نشك لحظة فى عودته فمن الذى يرفض التربع على عرش قلوب 90% من الشعب السودانى

عاد الأرباب ومعركته من أجل العاملين فى القطاع التطوعى لم ينتهى فالأرباب لا يعرف إلا النصر لأنه لا يحارب إلا من أجل الحق

أما أصحاب السيوف الخشبية فسيملأون الدنيا ضجيجاً بقضاياهم الخاسرة

عاش أبوهاشم

عاش الأرباب

ارجو الا تنزعج اخي ابراهيم عوض من رودود الاخوة المريخاب فهولاء القوم لايحبون الحقيقة واي شخص يحاول ان يردهم عن خطا البيان المتسرع هو عدوهم علي الفور استمر في قول الحقيقة ولا تخف

اقول ليك حاجه ياابراهومه
اول حاجه انا هلالابى
وتانى حاجه
الارباب ده استقال للاتى
يريد ان يتهرب من باقى الشيكات الطايره
يعنى مادائر زول يضايقو فى الوقت ده
بمعنى تهديد
جيبتو لى شيك طائر بستقيل
وتالت حاجه
عمل مسرحيه بايخه مع سعد العمده
امره لكى يقيل مدير الكوره
ويعمل هو ماعارف حاجه
الارباب ده داهيه
لاكن بقول ليك حاجه
حايضيع الهلال للابد
واتذكر كلامى ده كويس ياطبل العز

تم حذف التعليق لمخالفته لوائح النشر

من حق الصحفى ان يكتب ما ىشاء فى حدود القانون ولكن المؤسف حقيقة ان يوجه له كمية من الاساءات والكلام الغير مسؤل مع العلم بانه بشر ومعرض للخطا وللكننى لا الوم القراء بل الوم السادة المسؤلين عن الموقع كيف تنشرون تعليقت بهزه الشاكلة الزى يعجز اللسان عن وصفها والمرجو منك التدقيق قبل النشر ولكم احترامى